Чоно борооноор гэгчээр kopoнaвиpycын халдвараар далимжуулж, ХӨСҮТ-ийн удирдлагууд ИХ ХЭМЖЭЭНИЙ ашиг хонжоо олсон байж болзошгүй хэргийг АТГ-аас шалгаж эхэлжээ. Үнэгүй тараагдах түргэвчилсэн оношлуурыг үнэд хүргэж зарсан, PCR хийх оношлуурыг ХӨСҮТ-д авахдаа зуучлал хийж, дундаас нь ашиг хонжоо олсон гээд ХӨСҮТ-ийн удирдлагуудтай холбоотой, ав илга албан тушаалын хэд хэдэн хэргийг АТГ-аас шалгаж эхэлжээ.
Тодруулбал, ХӨСҮТ-ийн удирдах түвшний албан тушаалтнууд нь халдварт өвчин судлал, эмчилгээ, оношлогоо, шинжилгээ хийх зориулалтай сорьц, түүний дагалдах бодис шингэн авахдаа нэр бүхий лабораторуудын удирдлагуудтай тохиролцон өндөр үнээр авч, хувь хүртэж байсан болзошгүй байгаа юм.
Мөн ХӨСҮТ-ийн зарим албан тушаалтнууд эрх мэдлийнхээ хүрээнд сорьц худалдан авахдаа өөрсдийн хамаарал бүхий компаниудаас их хэмжээгээр авч үнийн дүнгийн зөрүүг бусдаар дамжуулан авдаг байсан байж болзошгүй хэргийг АТГ-аас шалгаж эхэлжээ.
Түүнчлэн дээрх хоёр асуудлын араас ХӨСҮТ-ийн албан тушаалтнуудтай холбоотой дахин нэг асуудал дэгдсэн нь цар тахлын үед үнэгүй тараагдах сорьцыг үндсэн үнээс өндөр үнээр худалдаж, авлига авсан байж болзошгүй хэргийг АТГ-аас илрүүлэн шалгаж эхэлжээ.
Чухам хэн хэн гэх албан тушаалтнууд ТАХАЛ дамилдуулж, АШИГ ХОНЖОО хайсан талаарх мэдээллийг удахгүй хүргэнэ.
Сэтгэгдэл бичих