МАН, МАХН нэгдэж байгаагаа мэдэгдсэн. Үйл явдлаас үүдэн МАХН-аас парламентын сонгуульд нэр дэвшиж УИХ-ын гишүүн С.Ганбаатар МАН-д элсэх үү гэх асуултад хариулт өгчээ.
Тэрбээр энэ талаар нийгмийн сүлжээндээ:
“Би МАХН-д 2017.05.16нд элссэн. Үндсэн хууль, Улс төрийн намын тухай хуульд заасны дагуу МАХН-ын гишүүнчлэлээс өнөөдөр гарч буйгаа албан ёсоор мэдэгдэж байна.
Эрх баригчидтай шударга тэмцэж, бие биедээ хань болж, дэм болж явсан МАХН-ын журмын нөхөд, удирдлага хамт олондоо сайн сайхныг хүсч байна. Тавантолгой, Оюутолгойг сандайлаад суусан МАН-тай нийлэх боломжгүй учраас аргагүй ийм шийдвэр гаргалаа.
УИХ-д Эрдэнэтчүүдийнхээ дуу хоолойг хүргэнэ. Эрдэнэтчүүд эрх баригчдыг хянаарай, ард түмэндээ дэм болоорой гэж намайг сонгосон. МАН-ын 62 суудлыг 63 болго гэж Эрдэнэтчүүд надад санал өгөөгүй. Эрдэнэтчүүдийнхээ эрх ашгийн төлөө тууштай ажиллах болно.” хэмээжээ.
Сэтгэгдэл бичих