Хүчтэй цасан болон шороон шуурганы улмаас Архангай, Баянхонгор, Төв, Завхан, Булган, Ховд, Увс аймгуудад иргэд цасанд суусан, сураггүй алга болсон дуудлагаар төв, орон нутгийн Онцгой байдлын байгууллагын алба хаагчид үүрэг гүйцэтгэн ажиллаж байна.
Нийт 40 гаруй суманд 538 хүн төөрч сураггүй алга болсон гэх дуудлага мэдээллийн дагуу Онцгой байдлын алба хаагчид эрэн хайх ажиллагааг явуулж байна.
Цасан болон шороон шуурганы улмаас алга болсон 371 хүнийг эсэн мэнд олсон бол хоёр хүн энджээ.
Сэтгэгдэл бичих