Цэргийн төв эмнэлэгт эмчлүүлж байсан хүн өчигдөр нас барсан талаар мэдээлэл цахим орчинд тархсан. Талийгаачийн хувьд суурь өвчтэй бөгөөд Covid-19 халдварын оноштой эмчлүүлж байсан гэх мэдээллийн талаар ЭМЯ-ны ахлах шинжээч Д.Нарангэрэл ‘Цэргийн төв эмнэлэгт нэгдүгээр сарын 16-нд нэг хүн нас барсан. Баянзүрх дүүргийн хэвтэн эмчлүүлж байгаад халдвар аван Цэргийн төв эмнэлэг рүү шилжсэн. Тэрээр суурь өвчин буюу зүрхний өвчнөөр нас барсан. Түүнд гурван удаа шинжилгээ хийхэд коронавирус илрээгүй эдгэрсэн байсан. Тиймээс бидний ангиллалаар өөр өвчнөөр нас барсан’ гэв.
Мөн энэ үеэр ХӨСҮТ-ийн Тандалт, судалгааны албаны дарга А.Амбасэлмаа ‘Цэргийн төв эмнэлэгт эмчлүүлж байсан ээжээс нярайд халдвар илэрсэн гэх шинжилгээний хариу гараагүй байна. Ээж халдварын сэргийлэх дэглэмээ маш сайн баримтлан эмчлүүлж байгаа. Ээж нь халдвар авсан ч нярайтайгаа хэвтэн эмчлүүлж байгаа хэд хэдэн тохиолдол гарсан’ хэмээн мэдээллээ.
Сэтгэгдэл бичих