Чононд хонь хадгалуулж байгаа мэт наад томилгоо энэ тэрээ эргэж хар л даа У.Хүрэлсүхээ. Геологийн судалгаа явуулдаг, энэ чиглэлийн улсын төсвөөр хийгддэг олон тэрбумын тендерт ялдаг аж ахуй нэгжтэй О.Чулуун гэдэг нөхрийг Үндэсний геологийн албаны даргаар Засгийн газрын хуралдаанаар тавих юм. Ерөнхий сайд нь мэдэхгүй, сонсоогүй байж болох ч чиг үүргийн яамны сайд, дарга, хянадаг, судлах үүрэгтэй албан тушаалтнууд хэлдэггүй юм байх даа.
2016 онд О.Чулуун Уул уурхайн сайдын зөвлөхөөр ажиллаж байхдаа өөрийн 100 хувь эзэмшдэг ‘Гео Тех Импекс’ компаниараа дамжуулан улсын төсвөөр хийгддэг 3,5 тэрбумын тендерийг авсан байх юм. Энэ хүн Үндэсний геологийн албаны дарга болсон нь тендертээ, өөрийн бизнестээ нэг алхам ойртлоо л гэсэн үг. Төрийн албаны шалгалт ч өгөөгүй улаан тендерчин нөхрийг ҮГА-ны даргаар тавьж салбарын мэргэжилтнүүдийнхээ гайхширал эгдүүцлийг төрүүлсэн байх юм.
Тэгэхээр Авлигын тухай хууль, Төрийн албаны тухай хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулиуд илэрхий зөрчидаж буйг хэрэгжүүлэгч байгууллагууд зүгээр хараад суух уу, яах уу. Өдгөө О.Чулуун гэгч угжнаасаа салаагүй хүүхэд шиг төсвийн хөрөнгөөр хийгдсэн тендерээ хийсээр байгааг бас зөвтгөх үү. ЖДҮ-чид Засагт орсон гэх хэл ам намжаагүй байхад тендерчид албан тушаалд томилогдоод ард түмнийг зэвүүцлийг хүргэлээ дээ бас.
Эх сурвалж: Б.Жаргалсайхан
