Истанбул-Улаанбаатар чиглэлийн тусгай үүргийн онгоц өнөөдөр буюу наймдугаар сарын 21-ний 08:15 цагт Улаанбаатарт газардан 268 иргэн эх орондоо ирлээ. Өчигдөр /2020.08.20/ Истанбул болон Хонконг руу тусгай үүргийн онгоцууд ниссэн ба Хонконг-УБ чиглэлийн онгоц өчигдөр орой буусан бол Истанбул-УБ чиглэлийн онгоц өнөөдөр ийнхүү газардлаа. Энэ нь 57 дахь тусгай үүргийн нислэг болж байгаа аж.
Өнөөдрийн Истанбул-УБ чиглэлийн онгоцоор:
- бага насны хүүхэдтэй гэр бүл 80
- жирэмсэн эмэгтэй 14
- өндөр настан, асран хамгаалагчтай 17
- хөгжлийн бэрхшээлтэй 3
- эрүүл мэндийн шалтгаантай 16
- бусад хүндэтгэн үзэх шалтгаантай 138 иргэн тус тус байгаа юм.
Өнөөдөр ирсэн 268 иргэнийг ХӨСҮТ, Цэргийн төв эмнэлэг, ‘Амар’, ‘Бижи’ зочид буудлуудад 21 хоног тусгаарлана.
