УИХ-ын ээлжит бус чуулганы нээлтийн ажиллагаа эхлэж, нээлтээ хийлээ.
Энэ нь 2020 оны сонгуулийн дүнд байгуулагдсан УИХ-ын анхны ээлжит бус чуулган юм. Ээлжит бус чуулганы нээлтэд Монгол дахь гадаад орнуудын Элчин сайдууд болон олон улсын байгууллагуудын удирдлагууд цахимаар оролцож байна.
Чуулганаар Засгийн газрын 2024 он хүртэлх төлөвлөгөө, мөрийн хөтөлбөр, тэдгээрийн хэрэгжилтийг хэлэлцэхээс гадна 2020 оны улсын төсөвт тодотгол хийхээс гадна удахгүй болох гэж буй орон нутгийн сонгуулиас урьтаж Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийг хэлэлцэх зэрэг асуудлуудыг хэлэлцэхээр төлөвлөжээ.
УИХ-ын дарга Г.Занданшатар: ‘Зээлийн хүүг бууруулах стратеги батлахаар төлөвлөж байна. Энэ талаар байгуулагдсан Ажлын хэсэг Монголбанктай хамтран хөтөлбөрийг боловсруулсан. Банкны салбарт шинэчлэлийг эхлүүлэх явдал чухлаар тавигдаж байна. Монгол улсын үндсэн хуульд оруулсан нэмэлт, өөрчлөлтийг амилуулах хуулийн эрх зүйн хувьсгалыг үргэлжлүүлэх нь энэхүү чуулганы бас нэг зорилго байх болно’ хэмээлээ.
