Испанийн Атлетико Мадрид клубээс бямба гарагт хийсэн шинжилгээгээр коронавирусийн хоёр шинэ тохиолдол илэрчээ. Мадрид хотын баг хоёр өдрийн дараа Аваргуудын лигийн шөвгийн наймын шатанд Германы Лайпциг клубтэй Лисбон хотноо тоглох хуваарьтай.
Халдвар илэрсэн хоёр хүн гэртээ тусгаарлагдаж байгаа бөгөөд уг нөхцөл байдалд хэрэгжүүлэх арга хэмжээг авсан гэж тус багийн төлөөлөгч мэдээллээ. Эерэг хариу гарсан хүмүүстэй ойр байсан хүмүүсийг дахин шинжилгээнд хамруулах ба энэ нь Лисбон хотод очих цаг, бэлтгэлийн цагийн хуваарь зэрэгт өөрчлөлт оруулах аж.
Европын хөл бөмбөгийн холбоо болон Атлетико Мадрид клуб харилцан тохиролцож гарсан шийдвэрийг танилцуулахаа мэдэгдсэн ба халдвар илэрсэн хоёр хүний талаар тодорхой мэдээлэл өгөхийг хүссэнгүй.
Эх сурвалж: SkySports, BBC
