Улсын онцгой комиссын шийдвэрээр наймдугаар сард 14 удаагийн тусгай үүргийн нислэгээр гадаад улс орнуудаас иргэдээ татан авах ажиллагааг зохион байгуулахаар болж, нислэгийн хуваарийг УОК-ын Шуурхай штабаас гаргасан.
Өчигдөр /2020.08.07/ хуваарийн дагуу Токио-Улаанбаатар чиглэлийн тусгай үүргийн онгоц 21:00 цагт Буянт-Ухаа олон улсын нисэх буудалд газардлаа. Тус онгоцоор 257 иргэн Япон улсаас эх орондоо ирсэн юм. Эдгээр иргэдийг учир шалтгаанаар нь ангилан үзвэл,
- бага насны хүүхэдтэй гэр бүл-35
- жирэмсэн-13
- өндөр настан-12
- эрүүл мэндийн шалтгаантай-15
- визний асуудалтай болон ар гэрийн гачигдалтай-93
- санхүүгийн асуудалтай-59
- оюутан-30
Иргэдийг Альфа, Кентавр, Хабу зочид буудлуудад тусгаарлалаа гэж УОК-ын Шуурхай штабаас мэдээллээ.
