“ОХУ-д нөхцөл байдал улам хүндэрч байна” гэж тус улсын Ерөнхийлөгч Владимир Путин мэдэгдлээ.
Тэрбээр “Шинэ төрлийн “коронавирус”-ийн халдвар авч, биеийн байдал нь хүндэрсэн өвчтөнүүдийн тоо эрс нэмэгдэж байгаа-г онцолсон байна. ОХУ-д халдварын тохиолдол өдөрт 16-18 хувиар нэмэгдэж байгааг тус улсын Шадар сайд мөн мэдээллээ. Сүүлийн 24 цагт энэ үзүүлэлт 2.5 мянгаар нэмэгдэж, 18.3 мянга хүрсэн байна. Харин эндсэн хүний тоо 18-аар нэмэгдэж,148 болжээ. Халдварын 60 орчим хувь нь нийслэл Москва болон ойролцоох мужуудад бүртгэгдсэн байна.
ОХУ-ын Ерөнхийлөгч Владимир Путин
“Нөхцөл байдал өдрөөс өдөрт өөрчлөгдөж байна. Харамсалтай нь муу тал руугаа. Халдвар авсан хүний тоо нэмэгдсэн. Түүнчлэн энэ өвчлөлөөр хүндээр өвчлөгсдийн тоо нэмэгдсээр байна. Ирэх хэдэн долоо хоног шийдвэрлэх үе гэдгийг хэлж байгаа. Бид хүнд, шуурхай бүх нөхцөл байдалд яаралтай, уян хатан стратеги, бодлого хэрэгжүүлэхэд бэлтгэлтэй байх шаардлагатай. Иргэдээ эрүүл байлгах нь хамгийн чухал. “COVID-19”-ийн нөхцөл байдал улам дордож байна” гэж мэдэгдлээ.
Сэтгэгдэл бичих