Өнгөрсөн сарын 18-ны өдөр буюу Цэргийн баярын өдөр ТЕГ-ын Хэлтсийн дарга, Хурандаа н.Давааням, хурандаа
Ж.Төгс-Очир нар бусадтай нийлэн цэргийн баярыг тэмдэглэж байгаад зодолдож, нэгнийгээ гэмтээсэн бичлэгийг
zarig.mn дэлгэсэн. Тодруулбал, хурандаа Давааням гэгч нь хамт байсан Сүхбаатар дүүргийн Татварын хэлтсийн
Тасгийн дарга н.Ганбаатарт агсам тавьж улмаар ууж байсан архины шилээр толгойн тус газарт нь цохисноор
Ганбаатар хүнд гэмтэл авч, Гэмтэл согог судлалын үндэсний төв эмнэлэгт хүргэгдсэн.
Энэ хэрэг “Энканто Булл”-ын VIP өрөөнд болсон юм. Харин Тагнуулын хурандаа нарын хэргийг шалгаж илрүүлэх
үүрэгтэй БЗД-ийн Цагдаагийн хэлтсийн удирдлагууд болон албан хаагч нарт хариуцлага тооцсон талаар бид өмнө
нь мэдээлж байсан билээ. Тэгвэл жинхэнэ хэргийн эздэд хариуцлага тооцжээ. Зодоон хийсэн тагнуулын хурандаа
нарт ажлын цагаар архидан согтуурч, танхай балмад хэргээ нуун дарагдууллахыг оролдсон гэдэг үндэслэлээр
ТЕГ-аас хариуцлага тооцжээ.
Тодруулбал н.Даваанямын хурандаа цолыг нь хурааж тагнуулын албанаас халсан байна. Харин хамт архидсан
Ж.Төгс-Очирыг хурандаа цолыг нь бууруулж дэд хурандаа болгож, хэлтсийн даргаас тасгийн дарга болгожээ
эх сурвалж: zarig.mn
Сэтгэгдэл бичих