Хятадаас эхэлсэн коронавирусийн нөхцөл байдал нааштайгаар өөрчлөгдөж эхэлж байгаа бололтой. Бүр тодруулбал хоёрдугаар сарын эхний өдрүүдэд коронавирусээр өвчлөөд эдгэрсэн хүний тоо нь энэ өвчний улмаас амиа алдсан хүний тооноос давж гарсан байна.
Гэхдээ л байдал эргэлт буцалтгүй сайжирсан гэж хэлтэл эрт байгааг мэргэжилтнүүд анхааруулж байна. Коронавирусээр өвдсөн хүний тоо 17 мянга 250 болжээ. Нас барсан хүний тоо харамсалтай нь өсөж 365 болсон. Гэхдээ аюулт өвчин туссан ч эдгэрсэн хүний тоо 472 болсон байна.
Хятадад өвдсөн хүмүүстэй нэгдүгээр зэргийн хавьталд орсон 189 мянга 583 хүн байгаагаас 152 мянга 700 хүн эмнэлгийн хяналтад байгаа аж.
Сэтгэгдэл бичих