Б.Хүлгэн 1996 онд төрсөн. 2013, 2014, 2015, 2018 онуудад хулгай, дээрэм, танхай, залилан, хүчингийн хэргээр нийт 6 удаа биеэр эдлэх болон мөнгөн торгууль хэлбэрээр шүүхээс ял сонсож, эдэлж байсан эрүүгийн элемент юм.
Өнгөрсөн баасан гараг буюу арванхоёр дугаар сарын 20-ны өдөр Хэнтий аймгийн Хэрлэн суманд бага насны хүүхэд хойд эцэгтээ зодуулан амь насаа алдсан талаар бид мэдээлсэн. Уг хэргийг үйлдэгч Бат-Эрдэнийн Хүлгэн нь 1996 онд төрсөн. 2013, 2015, 2017, 2018 онуудад хулгай, дээрэм, хүчингийн хэргээр нийт зургаан удаагийн ял шийтгэл эдэлж байсан. Тэрбээр 2019 оны зургаадугаар сард хорих ангиас суллагдсан бөгөөд 10 дугаар сараас талийгаач хүүгийн ээжтэй хамтран амьдарч эхэлсэн байна. Талийгаачийн ээж хоёр хүүтэй бөгөөд арванхоёрдугаар сарын 17-ны өдөр Б.Хүлгэн нь бага хүүг нь зодож гэмтээсэн учир хүү эмнэлэгт хэвтэн эмчлүүлж байжээ. Харин хэрэг гардаг өдөр буюу 12 дугаар сарын 20-ны өдөр Б.Хүлгэн, хөвгүүдийн ээжтэй болон найз нөхдийн хамт гэртээ архи, согтууруулах ундаа уужээ. Ингээд талийгаач хүүгийн ээж, хамт байсан иргэнтэй хамт дэлгүүрээс архи авчрахаар гарсан хойгуур Б.Хүлгэн хүүг зодож, амь насыг нь хөнөөсөн байна. Хүүгийн ээж орж ирэхэд хүүг нь “унтуулсан” хэмээн орон дээр хэвтүүлсэн байсан бөгөөд тухайн үед амь нас нь хохирсон байжээ. Урьдчилсан байдлаар хүүгийн элэг бяцарсны улмаас амиа алдсан нь тогтоогдоод байгаа бөгөөд Б.Хүлгэн гэгчийг цагдан хорьж, шалгаж байна. Харин ой гарантай хүүгийн бие хүнд, аймгийн эмнэлэгт эмчлүүлж байна.
Сэтгэгдэл бичих