МХБХ-ны ногоон талбайд өнөөдөр (2019.09.05) нэгэн гайхалтай тоглолт, гайхалтай ялалтыг Монголын хөлбөмбөгчид үзүүллээ. Азийн шилдэг 40 багийн эгнээнд дэвшсэн Монголын хөлбөмбөгийн Үндэсний шигшээ баг Дэлхийн аваргын урьдчилсан шатны “хоёрын даваа”-нд F хэсгийн (Япон, Киргизстан, Таджикстан, Мьянмар, Монгол) өрсөлдөгч Мьянмартай өрсөлдөж, 1:0 харьцаагаар хожив.
Хожлын гоолыг А.Нармандахын дамжуулалтаар А.Дөлгөөн оруулсан юм. Ингэснээр “Талын хөх чононууд” гурван оноо авлаа.
Дэлхийн чансаанд Япон 33, Киргизстан 95, Таджикстан 119, Мьянмар 135, Монгол 187-д бичигдэж байгаа билээ. Одоо манай хөлбөмбөгчид энэ сарын 10-нд Тажикстаны багтай нутаг дээрээ өрсөлдөнө.
- 2019.09.05 Монгол – Мьянмар (1-0)
- 2019.09.10 Монгол – Тажикстан
МХБХ-ны цэнгэлдэх хүрээлэн
Сэтгэгдэл бичих