Энэ оны тавдугаар сарын байдлаар Монгол Улсын хилээр тодорхойгүй эм, эмийн бүтээгдэхүүнийг нэвтрүүлэхийг завдсан 38 хэрэг бүртгэгджээ. Үүн дотроо антибиотик, дусал, шингэн хэлбэрээр, мансууруулах төрлийн эм, эмийн бүтээгдэхүүн хууль бусаар нэвтрүүлэх нь дийлэнхийг хувийг эзэлсэн байна.
Ялангуяа ОХУ-аас манай улс руу хууль бус эм зөөвөрлөх үйлдэл нь Сэлэнгэ аймгийн Алтанбулагийн чөлөөт бүс дээр хамгийн их гардаг байна. Орос, Монголын иргэд харилцсан визгүй зорчдог болсноос хойш манай улсын иргэд энэ төрлийн хууль бус эм, эмийн бүтээгдэхүүнийг хилээр нэвтрүүлэхийг завдах тохиолдол ихэссэн байна.
Иргэд Эрүүл мэндийн яамнаас тусгай зөвшөөрөл олгогдсон эрх бүхий байгууллагын худалдан борлуулж буй эмийн зүйлсийг хэрэглэх ёстой гэдгийг Гаалийн ерөнхий газрын ахлах байцаагч Ч.Тамир анхааруулсан юм.
Хууль бусаар гаргахыг завдсан тохиолдлуудыг рентген тоног төхөөрөмж, хар тамхи мансууруулах бодисыг илрүүлэх чиглэлээр мэргэшсэн, эрэлч нохойнууд, гаалийн улсын байцаагч нарын үйл ажиллагаандаа ашигладаг богино хугацааны хэргийн газар нь илрүүлдэг тест, гаалийн улсын байцаагч нарын мэдлэг ур чадварт тулгуурладаг байна. Тодорхойгүй эм, эмийн бүтээгдэхүүнийг хууль бусаар хилээр нэвтрүүлэхийг завдсан тохиолдолд тээвэрлэсэн хэмжээнээс хамаараад хуулийн хариуцлага хүлээдэг байна.
Сэтгэгдэл бичих