Баян-Өлгий аймгийн Алтай, Өлгий сумын дөрөвдүгээр багийн нутаг дэвсгэрт малын гоц халдвар өвчин лабораторийн шинжилгээгээр батлагдсантай холбогдуулан аймгийн Онцгой комисс 5-р сарын 25-ны өдрөөс эхлэн хорио цээрийн дэглэм тогтоох шийдвэр гаргасан билээ.
Энэ хүрээнд ариутгал, халдваргүйжүүлэлт хийж,
- Голомтын бүсээс гарах хөдөлгөөнийг түр хугацаанд хориглоно.
- Зайлшгүй шаардлагатай тохиолдолд Онцгой комиссын шийдвэрээр, судалгаа мэдээлэлд үндэслэн ариутгал, халдваргүйжүүлэлтийн ажлыг бүрэн хийсний дараа зөвшөөрөл олгоно.
- 2026 оны 05 дугаар сарын 27-ны өдөр Улаанбаатар–Өлгий чиглэлийн нислэгийг хүлээн авч, зорчигчдыг нэг бүрчлэн бүртгэн судалгаа хийж, ариутгал халдваргүйжүүлэлтийн дэглэмийн хүрээнд нислэгийг үйлдэнэ.
- Хилийн боомтын үйл ажиллагаа ариутгал, халдваргүйжүүлэлтийн дэглэмийг чанд мөрдөн хэвийн үргэлжилнэ.
- Транзит ачаа тээврийг суурьшлын бүсэд нэвтрүүлэхгүй бөгөөд ариутгал, халдваргүйжүүлэлтийн арга хэмжээг тогтмол авч ажиллана.
- Аялал жуулчлалын чиглэлээр голомтын бүсээс ангид маршрутаар зорчих жуулчдыг онгоцны буудлаас шууд аялал жуулчлалын бүс рүү хүргэж, шаардлагатай ариутгал, халдваргүйжүүлэлтийн арга хэмжээ авсны үндсэн дээр буцаан тээвэрлэнэ.
- Хөдөлгөөнийг хэвийн горимд шилжүүлэх зорилгоор голомтын бүсэд байгаа өвчилсөн малыг устгах ажлыг зохион байгуулна. Устгалын бэлтгэл ажлыг бүрэн хангаад байна.
- Устгалд хамрагдсан малын нөхөн олговрыг хууль, журмын дагуу олгох гэсэн шийдвэрийг танилцуулжээ.
Мэдээллийн эх сурвалж: eguur.mn
Сэтгэгдэл бичих