Дархан хотод төв зам дагуу “Устгалд оруулсан нохдыг булж дээрээс нь мод тарих гэж байна” гэх бичлэг цахим орчинд тархсан билээ.
Мод суулгах нүхэнд үхсэн нохой хийсэн асуудалд Дархан-Уул аймгийн хот тохижилтын ажилтан тайлбар өглөө.
Тэрбээр: “Манай аймагт жилд дөрвөн удаа нохой устгалын ажил хийдэг. Устгасан нохойг хогийн цэгт аваачиж булдаг. Энэ ажил мод тарих ажилтай зэрэгцэж таарсан тул мөнх ногоон 10 модонд бордоогоор ашиглаж, туршиж байна. Туршсан модоо тэмдэглэн ажиглана. Сүүлийн үед бороо, хур муу байгаа тул зөөврийн саарал усаар мод, зүлгээ усалдаг. Тийм учраас мөнх ногоон модны ургалтад эерэг нөлөөтэй байдаг гэсэн мэдээллийн дагуу туршиж байна” гэв.
Сэтгэгдэл бичих