Б.Сүхтулга нь нийтийн албан тушаалтнаар ажиллаж байхдаа албан үүрэг, эрх мэдэл албан тушаалын байдлаа урвуулан ашиглаж тамхины хяналтын тухай хуулийн 6 дугаар зүйлийн 6.7 дахь хэсгийн Монгол Улсын нутаг дэвсгэрт тамхи импортлох, экспортлох, үйлдвэрлэх, худалдах, хэрэглэхэд дараах зүйлийг хориглоно, 6.7.14-т заасан Ерөнхий боловсролын сургуулийн хичээлийн болон дотуур байраас 500 метрийн дотор тамхи худалдах гэснийг зөрчиж Ерөнхий боловсролын сургуулиас 212 метр зайд үйл ажиллагаа явуулдаг М хүнсний дэлгүүрт тамхи худалдан борлуулах тусгай зөвшөөрөл олгож бусдад давуу байдал бий болгосон хэрэгт холбогдож прокурор түүнийг Эрүүгийн хуулийн тусгай ангийн 22.1 дүгээр зүйлийн 1 дэх хэсэгт заасан Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж бусдад давуу байдал бий болгосон хэрэгт яллах дүгнэлт үйлдэн хэргийг шүүхэд шилжүүлжээ.
Анхан шатны шүүх хэргийг хэлэлцээд шүүгдэгч Б.Сүхтулгыг Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж бусдад давуу байдал бий болгох гэмт хэрэг үйлдсэн гэм буруутайд тооцож нийтийн албанд ажиллах эрхийг 4 жилийн хугацаагаар хасаж, 3 жилийн хугацаагаар зорчих эрх хязгаарлах ял оногдуулж шийдвэрлэлээ.
Сэтгэгдэл бичих