Арлын Япон оронд эр бяр, эд хаваа гайхуулан донсолгож явсан Асашёорюү Дагвадорж Монголын сайхан бүсгүйчүүдийн нэг Г.Тамиртай хоёр улс дамнасан нижгэр хурим хийж байсан удаатай. Хосууд хүү, охин хоёрын эцэг эх болсон ч өдгөө тус тусын амьдралыг хөөх болсон.
Их аварга болон сайхан бүсгүй Г.Тамир нарын дундаас төрсөн хүүхдүүд олны анхаарлын төвд байх нь гарцаагүй. Харин тэд хүүхдүүдээ хясаа сувдаа нуудагтай л адил нууцалдаг ч энэ удаад Их Аварга хүүгээ олонд ил гаргажээ.
Хүүгээ эрийн цээнд хүрсэн гэж үзсэн тэрбээр “Цаг нь болжээ…. Хүү өдөлж гүйцжээ! Хорвоо ертөнцтэй танилцах цаг нь болж! Аавын байгаад хүнтэй танилц агтны сайнд газар үз гэдэг дээ. Энэ бол чиний ургаж өндийсөн газар шороо, эх орон чинь, хүү минь!
Их Монгол Улсын чинь төв нийслэл Хархорум, Орхон голынхоо усаар нүүрээ угааж, их өвгөдийн нутгаасаа адис аваад морд доо хүү минь” хэмээсэн байна.
Эх орноосоо гарч амьдралын их далайд хөл тавьж байгаа хүүд аав шигээ “Дэлхийн хүн” болоорой хэмээн ерөөл өргөе…
Сэтгэгдэл бичих