Аж үйлдвэр, эрдэс баялгийн яам 2026 оны 4-р сарын 06-ны өдөр ээлжит шуурхай хуралдаанаа зохион байгуулж, салбарын ажлуудын хэрэгжилт, тулгамдсан асуудлуудыг хэлэлцлээ.
Хурлыг Төрийн нарийн бичгийн дарга Б.Дашпүрэв удирдан явуулж, харьяа газар, нэгжүүдийн ажлын гүйцэтгэл, цаг үеийн тулгамдсан асуудал, холбогдох мэдээлэлтэй танилцаж, дараах үүрэг даалгавруудыг өглөө.
Үүнд:
✓ Газрын тосны бүтээгдэхүүний нөөцийн агуулах барих, хүчин чадлыг нэмэгдүүлэх зорилгоор Монголбанк болон арилжааны банкнуудын хооронд байгуулсан гэрээ, хэлцлийн хүрээнд аж ахуйн нэгжүүдэд тавих шаардлага, хариуцлагыг тодорхой болгож, шаардлага хангаагүй тохиолдолд олгосон хөнгөлөлттэй зээлийг цуцалж, ердийн нөхцөлд шилжүүлэх зэрэг зохицуулалтыг хэрэгжүүлэх
✓ “АЛТ-3” аяны хүрээнд байгуулагдсан ажлын хэсгийн үйл ажиллагааг эрчимжүүлж, төлөвлөсөн ажлуудын хэрэгжилтийг шуурхай зохион байгуулах
✓ Ашигт малтмал, газрын тосны газар, Үндэсний геологийн алба статистик, тоон мэдээллийг боловсронгуй, уялдаа холбоотойгоор боловсруулж, мэдээллийг шуурхай, цаг тухайд нь шинэчилж байх
✓ Албан хаагчдын ёс зүй, хариуцлагыг дээшлүүлэх, байгууллагын дотоод үйл ажиллагааг боловсронгуй болгох, ажлын уялдаа холбоог сайжруулах чиглэлээр тодорхой үүрэг, даалгавар өгч, хэрэгжилтэд тогтмол хяналт тавьж ажиллахыг үүрэг болголоо.
Сэтгэгдэл бичих