Цагдаагийн байгууллагад энэ сарын 1-ний өдрийн 22:00 цагийн орчимд иргэн “М”-ээс “бусдад хутгалуулсан” гэх гомдол иржээ.
Урьдчилсан мэдээллээр, иргэн “М” нь гуравдугаар сарын 20-ноос 21-нд шилжих шөнө үл таних этгээдэд хутгалуулсан бөгөөд халдлага үйлдсэн хүнийг хараагүй хэмээн мэдүүлсэн байна.
Уг хэргийг Баянгол дүүргийн Цагдаагийн газрын Хоёрдугаар хэлтэст бүртгэн авч, холбогдох мөрдөн шалгах ажиллагааг явуулж байгаа аж.
Хэргийг үйлдсэн этгээд одоогоор тогтоогдоогүй бөгөөд мөрдөн шалгах ажиллагаа үргэлжилж байна. Ийм төрлийн гэмт хэргийн илрүүлэлтэд иргэдийн мэдээлэл, оролцоо чухал үүрэгтэй тул хэргийн талаар мэдэх, харсан хүмүүс цагдаагийн байгууллагад мэдээлэх шаардлагатай байна.
Сэтгэгдэл бичих