Авлигатай тэмцэх газар-ын Мөрдөн шалгах хэлтсээс шалгаж шилжүүлсэн эрүүгийн 2502000000493 дугаартай хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүх хянан шийдвэрлэлээ.
Шүүхийн тогтоолоор иргэн Д нь 2025 оны 11 дүгээр сард эмийн сангийн чиглэлээр үйл ажиллагаа явуулдаг “А” компанийн эмийн сангийн байршлыг холбогдох шинжээчийн дүгнэлтгүйгээр шилжүүлэх зорилгоор Нийслэлийн Эрүүл мэндийн газрын ахлах мэргэжилтэнд хахууль өгсөн нь тогтоогджээ.
Тодруулбал, тэрбээр албан тушаалтанд кофе уух санал тавихдаа хоосон аяган дотор 1,000,000 төгрөг бэлнээр хийж, таглан албан өрөөнд нь үлдээсэн байна.
Харин Нийслэлийн Эрүүл мэндийн газрын ахлах мэргэжилтэн Ж нь Авлигын эсрэг хууль-д заасан үүргийн дагуу уг үйлдлийг нэн даруй байгууллагынхаа удирдлагаар дамжуулан Авлигатай тэмцэх газарт мэдэгдсэн байна.
Улмаар хэрэгт мөрдөн шалгах ажиллагаа явуулж, прокурорын байгууллагаар дамжуулан шүүхэд шилжүүлжээ.
Шүүхээс иргэн Д-ийн үйлдлийг Эрүүгийн хууль-ийн тусгай ангийн 22.5 дугаар зүйлийн 1 дэх хэсэгт заасан “хахууль өгөх” гэмт хэрэгт тооцож:
- нийтийн албанд томилогдох эрхийг 2 жилийн хугацаагаар хасах
- 3000 нэгж буюу 3,000,000 төгрөгөөр торгох
ял шийтгэл оногдуулсан байна.
Шүүхийн дүгнэлтэд шүүгдэгчийн үйлдэл нь санаатай байсан, өөрийн үйлдлийн хууль бус шинжийг ухамсарласан нь гэрчийн мэдүүлэг болон өөрийнх нь хүлээн зөвшөөрсөн мэдүүлгээр нотлогдсон гэж үзжээ.
Мөн Эрүүгийн хэрэг хянан шийдвэрлэх тухай хууль-ийн шаардлагын дагуу мөрдөн шалгах ажиллагаа бүрэн хийгдсэн, оролцогчдын эрхийг зөрчсөн ноцтой зөрчил илрээгүй, хуулийг зөв хэрэглэсэн гэж шүүх дүгнэсэн байна.
Сэтгэгдэл бичих