Крымийн хойгт Ан-26 загварын тээврийн онгоц осолдсоны улмаас 29 хүн амиа алдсан тухай албаныхан мэдээллээ.
Уг онгоц нь нислэг үйлдэж байх явцдаа осолдсон бөгөөд ослын шалтгааныг одоогоор тодорхойлоогүй байна. Урьдчилсан байдлаар техникийн гэмтэл, цаг агаарын нөхцөл байдал нөлөөлсөн байж болзошгүй хэмээн үзэж байгаа аж.
Осол болсон даруйд аврах ажиллагааны багууд хэргийн газарт ажиллаж, онгоцны үлдэгдэл болон хар хайрцгийг илрүүлэх ажиллагааг эхлүүлжээ. Одоогоор амьд үлдсэн хүн байхгүй талаар мэдээлэгдэж байна.
Ан-26 нь Зөвлөлтийн үед зохион бүтээгдсэн, цэргийн болон иргэний зориулалтаар өргөн ашиглагддаг хөнгөн тээврийн онгоц бөгөөд олон оронд одоо хүртэл ашиглагдсаар байгаа юм.
Албаныхан ослын шалтгааныг тогтоохоор мөрдөн шалгах ажиллагааг эхлүүлээд байна.
Сэтгэгдэл бичих