Цаг агаарын онц ноцтой үзэгдэл, цасан шуурга Баянхонгор, Төв, Говь-алтай, Өмнөговь, Дундговь аймгуудад болж олон хүний амь нас эрсдэх аюул үүссэн. Аймаг орон нутгийн онцгой байдлын албад шуурхай ажиллаж 64 хүнийг осгохоос аварсан байна. Малдаа яваад төөрсөн
Гэвч Өмнөговь аймгийн Цогт-цэций суманд 3 иргэн, Сэврэй суманд 1 иргэд малдаа явж байгаад шуурганд уруудаж осгож эрдэнэт хүний амиа алдлаа. Цаг уурын хүрээлэн болон холбогдох байгууллагаас удаа дараа анхааруулж, болзошгүй аюулаас урьдчилан сэргийлэх, ард иргэддээ анхааруулан шуурхай ажиллах ёстой орон нутгийн эрхтэн дархтнууд болох засаг дарга Н.Наранбаатар Австрали улсад, мөн тус аймгийн онцгой байдлын дарга Баярсайхан Швед улсад хуралд оролцох нэрээр зугаалж явсан аж.
Цаг агаарын онцгой үзэгдлийн үед бүх ажлыг удирдан ажиллах үүрэгтэй ч гадаадад аялаж явсан том толгойтой дарга нарт Ерөнхий сайд хариуцлага тооцох нь зөв болов уу. Эрдэнэт хүний амь үрэгдчихээд байхад “хуралтай байсан” гэх шалтаг тоочиж, биеэ өмөөрөн арчаагүй загнаж, сандал суудалтайгаа зууралдаж байгаа Наранбаатар, Баярсайхан дарга нарт ямар хариуцлага тооцохыг харах л үлдлээ. Мөн цаашид Улсын онцгой байдлын газраас дахин цаг агаар огцом хүйтрэх талаар анхааруулж байгаа учир бусад аймгуудын дарга нар энэ ноцтой алдаа дутагдлаас сургамж авах нь зүйтэй болов уу.
Сэтгэгдэл бичих