Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн ажлын алба Нийслэлийн шүүхийн шийдвэр гүйцэтгэх газрын Хорихоос өөр төрлийн ял эдлүүлэх хэлтэстэй хамтран Хан-Уул дүүргийн нутаг дэвсгэрт Туул голын ай сав орчмыг цэвэрлэх ажлыг зохион байгууллаа.
Дээрх ажилд нийтэд тустай ажил хийлгэх ялаар шийтгэгдсэн 60 ялтан хамрагдаж, Маршалын гүүрнээс Зайсангийн гүүр хүртэл 2,5 км газрын хог хаягдлыг цэвэрлэн, тус дүүргийн тохижилт, нийтийн аж ахуйн хэлтсийн ажилтанд хүлээлгэн өгсөн байна. Нэгдсэн арга хэмжээний явцад прокурорууд Хүрээлэн байгаа орчны эсрэг гэмт хэргийн талаар ялтнуудад яриа, таниулга хийж, гэмт хэргээс урьдчилан сэргийлэх гарын авлага тараан өгчээ.
Сэтгэгдэл бичих