Монгол Улсын Засгийн газар “Гэр бүлийн хөгжлийг дэмжих тухай” хуулийн төслийг боловсруулж, Монгол Улсын Их Хурал-д өргөн барьжээ.
Хуулийн төслийн зорилго нь хүн амын өсөлтийг дэмжих, олон хүүхэдтэй гэр бүлийг эдийн засаг, нийгмийн бодлогоор дэмжихэд чиглэж байгаа юм.
Төсөлд олон хүүхэдтэй өрхүүдэд чиглэсэн хэд хэдэн дэмжлэгийг тусгасан байна. Тухайлбал:
-
Гурваас дээш хүүхэдтэй гэр бүлийн гишүүний аль нэгийг Хувь хүний орлогын албан татвар (ХАОАТ)-аас чөлөөлөх;
-
Дөрөв ба түүнээс дээш хүүхэдтэй өрхүүдийг орон сууцны ипотекийн зээлд дугаарлалтгүй хамруулах;
-
Гэр бүлийн хөгжлийг дэмжих чиглэлээр төрөөс хэрэгжүүлэх бодлого, үйлчилгээний уялдаа холбоог сайжруулах зэрэг зохицуулалтыг тусгажээ.
Албаныхны мэдээлснээр уг хууль батлагдвал олон хүүхэдтэй гэр бүлийн санхүүгийн ачааллыг бууруулах, орон сууцжуулах бодлогыг дэмжих, хүн амын өсөлтийг нэмэгдүүлэхэд чиглэсэн чухал алхам болно гэж үзэж байна.
Одоогоор хуулийн төслийг УИХ-ын холбогдох байнгын хороодоор хэлэлцэхээр төлөвлөж байна.
Сэтгэгдэл бичих