Лхагва гарагийн 20:30 цагаас “Лхагвын тойм” нэвтрүүлгийн 80 дахь дугаар үзэгчдэд хүрнэ. Энэ удаагийн дугаарт Монгол Улсын 32, 33 дахь Ерөнхий сайд, УИХ-ын гишүүн Лувсаннамсрайн Оюун-Эрдэнэ оролцож, шууд ярилцлага өгөхөөр болжээ.
Сэтгүүлч Г.Лхагвадорж түүнд ярилцах урилгаа өмнө нь хэд хэдэн удаа хүргүүлж байсан ч тодорхой шалтгааны улмаас хойшлогдож байсан юм.
Л.Оюун-Эрдэнэ 2021 оноос эхлэн 4 гаруй жилийн хугацаанд Монгол Улсын Ерөнхий сайдаар ажилласан.
Харин өнгөрсөн оны тавдугаар сард түүний хүү О.Тэмүүлэнтэй холбоотой тансаг хэрэглээний асуудал олон нийтийн анхаарлын төвд орж, Авлигатай тэмцэх газарт орлогоо нотлох шаардлага үүссэн. Үүнтэй холбоотойгоор иргэдийн шаардлагын дагуу УИХ-аар түүнд “итгэл үзүүлэх” асуудлыг хэлэлцсэн ч гишүүдийн олонх дэмжээгүй тул Ерөнхий сайдын албан тушаалаас огцорсон билээ.
Түүнээс хойш Л.Оюун-Эрдэнэ хэвлэлд бүрэн хэмжээний дэлгэрэнгүй ярилцлага өгөөгүй байсан юм. Хамгийн сүүлд 2024 оны гуравдугаар сард сэтгүүлч Б.Ганчимэг-ийн хөтөлдөг “Улаанбаатараас ярьж байна” ярилцлагад оролцож байв.
Сэтгэгдэл бичих