Хөвсгөл аймагт хадам дүү нь хүргэн ахыгаа буудаж, амь насыг нь хөнөөсөн хэрэг өчигдөр /2019.05.07/ гарчээ.
Хэргийн талаар тодруулбал, тус аймгийн Цагааннуур сумын хоёрдугаар багт оршин суух, 26 настай, эрэгтэй Б гэгч нь хүргэн ах болох 36 настай У-г буудан хороосон байна.
Талийгаач эрэгтэй хадам дүүгээ архи уулаа хэмээн зандарсны улмаас амиа алдахад хүрсэн гэх ба цагдаагийн бүрэлдэхүүн хэргийн газраас ТОЗ-8 маркийн бууг эд мөрийн баримтаар хураан авчээ. Одоогоор сэжигтэн Б гэгчийг цагдан хориод байна. Хэргийг Хөвсгөл аймгийн цагдаагийн газарт үргэлжлүүлэн шалгаж байгаа гэх мэдээллийг албаныхан өглөө.
Сэтгэгдэл бичих