Дэлхийн хүн төрөлхтний хамгийн том шилжих хөдөлгөөн эхлээд байна. Хятадын БНХАУ-ын Засгийн газар 2-р сарын 17-нд болох сар шинийн баярыг тохиолдуулан 40 хоногийн хугацаанд 9.5 тэрбум аялал хийхээр төлөвлөж байгаа нь түүхэн дээд амжилт болно гэж тус улсын Үндэсний хөгжил, шинэчлэлийн хорооноос мэдээлжээ.
Эдгээр аяллын 540 сая нь галт тэргээр, 95 сая нь агаарын тээврээр, үлдсэн нь замаар аялах ажээ. Лю Жичуань Бээжингээс 2000 км-ийн зайд орших Сычуань мужийн төв Чэнду хот руу 30 гаруй цаг галт тэргээр явахаар төлөвлөж байгаа юм байна. Тэрбээр дэлхийн хүн төрөлхтний хамгийн том хөдөлгөөн буюу “Чүнюн”-ын үеэр төрөлх хот руугаа аялна гэж найдаж буй олон зуун сая хүмүүсийн нэг юм. Лю мөнгө хэмнэхийн тулд илүү галт тэргийг сонгосон байна. Хурдан галт тэргээр ердөө есөн цаг явах боловч хоёр дахин илүү үнэтэй байдаг. Гэсэн хэдий ч тэрбээр жилдээ ганцхан удаа амарч, хайртай дотны хүмүүстэйгээ цагийг өнгөрөөдөг баяр ёслолын үеэр гэртээ харихаар 30 цагийн аялал хийхээр сонгосон байна.
Саяхан Бээжинд бүтэн цагаар ажиллаж эхэлсэн залуу эмэгтэй Тиан Дуофү хоёрдугаар сарын 15-нд эхлэх есөн өдрийн амралтаа тэсэн ядан хүлээж байгаагаа ярьжээ. Тэрбээр “Орчин үед гэр бүл цуглахад хэцүү болсон. Би ажилдаа орсноос хойш ийм урт амралт ховор байдгийг ойлгосон бөгөөд гэр бүлийнхэнтэйгээ уулзах нь цөөрдөг” гэжээ.
Сэтгэгдэл бичих