Украины хяналтад буй Донецк мужид ОХУ-ын зүгээс явуулсан пуужин, их бууны довтолгооны улмаас дор хаяж долоон хүн амиа алдаж, найман хүн шархадсан талаар орон нутгийн захирагч мэдэгдсэнийг Reuters агентлаг мэдээллээ.
Албаны мэдээллээр халдлага орон сууцны хороолол болон иргэний дэд бүтцийн бүсүүдэд өртсөн бөгөөд аврах албаны багууд нуранги дор хүн байгаа эсэхийг шалган ажиллаж байна. Шархадсан иргэдийг ойролцоох эмнэлгүүдэд хүргэн эмчилгээ хийж байгаа аж.
Сүүлийн өдрүүдэд зүүн бүс нутгуудад пуужин, дроны довтолгоо эрчимжиж, иргэний байгууламжууд өртөх тохиолдол нэмэгдэж буйг орон нутгийн удирдлагууд анхааруулж байна. Дайны бүсэд оршин суугчдын аюулгүй байдал ноцтой хэвээр байгаа бөгөөд цахилгаан, дулаан, усан хангамж тасалдах эрсдэл өндөр байгааг мөн онцолжээ.
Одоогоор халдлагын улмаас учирсан хохирлын хэмжээг эцэслэн тогтоогоогүй бөгөөд авран хамгаалах ажиллагаа үргэлжилж байна.
Сэтгэгдэл бичих