Санхүү, эдийн засгийн их сургуулийн дэд профессор, эдийн засагч Ж.Дэлгэрсайханг Төсвийн тогтвортой байдлын зөвлөлийн даргаар сонгожээ. Тус зөвлөлийн гишүүд даргаа олонхын саналаар хоёр жилийн хугацаагаар сонгож, чөлөөлдөг. Энэ хүрээнд Төсвийн тогтвортой байдлын зөвлөлийн хурал өчигдөр /2026.02.23/ болж, Зөвлөлийн даргаа сонгосон байна.
Ингэснээр 2024-2025 онд зөвлөлийн даргаар ажилласан Н.Энхбаяр зөвлөлийн гишүүнээр үргэлжлүүлэн ажиллахаар болжээ. Шинээр сонгогдсон дарга Ж.Дэлгэрсайхан нь 2026-2028 онд хуулиар олгогдсон бүрэн эрхийн хүрээнд төсвийн сахилга бат, дунд, урт хугацааны төсвийн тогтвортой байдлыг хангахад чиглэсэн Зөвлөлийн бүрэн эрхийг хэрэгжүүлэхэд Зөвлөлийн үйл ажиллагааг удирдан зохион байгуулах үүргийг хэрэгжүүлэх юм. Түүний хувьд ХААИС-ийг эдийн засагч мэргэжлээр төгсч, 1996 оноос СЭЗИС-ийн багшаар 30 жил ажилласан байна.
Сэтгэгдэл бичих