Хохирогчийн ээж Отгонтуяа өөрийн цахим хуудсаараа дамжуулан дараах мэдээллийг хуваалцлаа.
Та бүхэндээ оройн мэнд хүргэе! Охины минь хэргийг үнэн зөвөөр шийдэгдэхийг хүлээж, сэтгэлийн дэм өгч байгаа та бүхэндээ чин сэтгэлээсээ талархаж байна. Хийсэн хэрэг нь бичлэгээр баримт болж үлдсэн байтал яагаад энэ нэр бүхий 2 прокурор алуурчдыг хохирогч болгосон нь прокурорын ёс зүй, үндсэн ажлын чиг үүргийг уландаа гишгэсэн үйлдэл гэдэг нь илт байгаа.Улсын ерөнхий прокурорт гомдол гаргасны дагуу Г.Янжиндулам, Г.Баясгалан нарыг ёс зүйн зөвлөл хурлаар хэлэлцэх тов гарсан. 2025 оны 12-р сарын 30 ны өдөр болно Прокурорын байгууллагад олон арван туршлагатай алба хаагчид бий гэдэгт итгэж байна.Шүүхийн шийдвэрийг хүлээж буй энэ хугацаа миний хувьд МАШ ХҮНД үе. Би хуулийн байгууллагад ИТГЭЖ БАЙНА. ГАНЦ ХҮСЭЛ бол “ХУУЛЬ ШУДАРГААР ХЭРЭГЖИХ” гэв.
Прокурор Г.Янжиндулам, Г.Баясгалан нар нь хэргийн хамжигч Номин-Эрдэнэ, Ган-Эрдэнэ нарыг хохирогчоор татаж оруулж ирж байсан бөгөөд одоогоор тэднийг хэрэгт хамтран оролцсон хэмээн таслан сэргийлэх арга хэмжээ авсан байгаа юм. Шүүх хурлын тов удахгүй гарна. Ард иргэд тус хэргийг нийтээрээ харж ажигласаар байна.
Сэтгэгдэл бичих