Энэтхэгийн нийслэл Нью Делхи хотноо 2025 оны 12 дугаар сарын 4–5-нд зохион байгуулагдсан 23 дахь удаагийн India–Russia Annual Summit уулзалтаар хоёр улс худалдаа, эрчим хүч, батлан хамгаалах болон стратегийн түншлэлийн олон салбарт хамтын ажиллагаагаа өргөжүүлэх чухал шийдвэрүүдийг гаргалаа.
Энэхүү уулзалтад ОХУ-ын Ерөнхийлөгч Владимир Путин, Энэтхэгийн Ерөнхий сайд Нарендра Моди нар оролцож, “Онцгой, Эгнэшгүй Стратегийн Түншлэл”-ийн хүрээнд талуудын хамтын ажиллагааг цаашид бэхжүүлэх зорилттой хэлэлцээр хийв
Уулзалтын үеэр хоёр тал худалдааны эргэлтийг 2030 он гэхэд 100 тэрбум ам.доллар хүргэх дунд хугацааны зорилтыг баталлаа. 2024–2025 онд худалдааны хэмжээ 68 тэрбум ам.долларт хүрсэн нь эрчимтэй өсөлтийг харуулж байна
Мөн рубль–рупийн шууд гүйлгээний системийг өргөжүүлж, барууны хоригийн дарамтаас үл хамааран эрсдэлгүй санхүүгийн сувгийг бий болгохоор тохирчээ. ОХУ 2026–2030 онд Энэтхэгт газрын тос, нефть, нүүрсний нийлүүлэлтийг таслахгүй гэдгийг Путин мэдэгдэв.
Энэтхэгийн эрчим хүчний аюулгүй байдлыг дэмжих энэхүү шийдвэр нь барууны хориг, АНУ-ын шахалтын үед онцгой ач холбогдолтой гэж шинжээчид хэлж байна.
Хоёр улс зэвсэг нийлүүлэх уламжлалт загвараас татгалзаж, дараах чиглэлээр хамтарч ажиллахаар тохиролцов:
-
Шинэ үеийн зэвсэг, системийн хамтарсан судалгаа
-
Энэтхэг дэх хамтарсан үйлдвэрлэл
-
Батлан хамгаалахын технологийн шинэчлэл зэрэгт хамтарч ажиллахаар болжээ.
Энэ өөрчлөлт нь түншлэлийг илүү тогтвортой, стратегийн ач холбогдолтой болгох алхам гэж үзэж байна.Financial Times-ийн шинжилгээгээр, энэ удаагийн уулзалт нь Энэтхэг, Орос хоёр “стратегийн автономит бодлого”-оороо барууны геополитикийн дарамтад нөлөөлөхгүйгээр хамтран ажиллахаар зорьж буйг нотолсон үйл явдал болов.
Эх сурвалж: reuters
Сэтгэгдэл бичих