Монгол Улсын Засгийн газар, Бүгд Найрамдах Солонгос Улсын Засгийн газар хооронд байгуулсан ”Харилцан ойлголцлын санамж бичиг”-ийн хэрэгжилтийн хүрээнд 2025 оны 2 дахь удаагийн бүртгэлд хамрагдаж, солонгос хэлний түвшин тогтоох шалгалтад тэнцсэн 172 иргэний ур чадварын шалгалт Монгол-Солонгосын политехникийн коллеж дээр 2025 оны 10 дугаар сарын 31, 11 дүгээр сарын 1-ний өдрүүдэд зохион байгуулж, шалгалтын үйл явцтай Хөдөлмөр, халамжийн үйлчилгээний ерөнхий газрын дарга З.Бауыржан танилцлаа.
Ур чадварын шалгалт нь биеийн тамир, ярилцлага, суурь ур чадвар гэсэн 3 дарааллаар зохион байгуулагдсан байна.
Хөдөлмөр, халамжийн үйлчилгээний ерөнхий газрын дарга З.Бауыржан Бүгд Найрамдах Солонгос Улсаас ирсэн шалгалтын комиссын холбогдох албаны хүмүүстэй солонгос хэлний түвшин тогтоох шалгалт болон тус улсад хөдөлмөрийн гэрээгээр ажиллаж буй салбарын талаар санал солилцлоо.
Discussion about this post