Өнгөрсөн долоо хоногийн өмнө хамгийн дуулиантай явдал бол “Эзэн” хоч аваад буй ХХБ-ны эзэн Д.Эрдэнэбилэгийг албадан баривчилсан явдал юм. Гэвч удалгүй сулласан. Шүүн таслах ажиллагааг шүүгч Х.Идэр гэгч явуулжээ.
Шүүгч Х.Идэр нь энэ хэрэгт ажиллаж болохгүй, ашиг сонирхолын зөрчилтэй байгаа талаар зарим эх сурвалжууд мэдээлж байна. Учир нь Х.Идэрийн аав Д.Хувьтөгөлдөр нь “Эрдэнэт үйлдвэр”-ээс сул цалин авдаг хүмүүсийн нэг аж.
Тухайлбал тус үйлдвэрийн дэргэдэх “Эрдэнэт медикал” эмчилгээ оношилгооны төвийн зохион байгуулалт, арга зүйн мэргэжилтнээр ажиллуулах тушаалыг ерөнхий захирлаар ажиллаж байсан Ц.Даваацэрэн 2014 онд гаргаж байж. 2016 оны гуравдугаар сард “Эрдэнэт медикал” компани нь Японы хөрөнгө оруулалттай компанид шилжиж, зарим хүнийг “Эрдэнэт үйлдвэр”-ийн Хүний нөөцийн мэдэлд шилжүүлж, улмаар Д.Хувьтөгөлдөр нарын олон хүнд сул зогсолтын олговорыг мөн оны нэгдүгээр сараас эхлэн үндсэн цалингийн 60 хувиар тооцож олгохоор болсон аж.
Түүнээс хойш өдийг хүртэл “Эрдэнэт үйлдвэр”-ээс үндсэн цалингийн 60 хувиар тооцож сул зогсолтын олговор Ц.Даваацэрэнгийн тушаалаар авч байгаа юм байна.
Сэтгэгдэл бичих