Нийгмийн эрүүл мэндийн үндэсний төв нь Хүнс, хөдөө аж ахуй, хөнгөн үйлдвэрийн яамны Салбарын хяналтын газар, Нийслэлийн хүнс, хөдөө аж ахуйн газартай хамтран “Импортын хүнсний худалдаа-хяналт” сарын аяны хүрээнд, мөн “Дэлхийн хүнсний өдөр”-ийг угтан ерөнхий боловсролын сургуулийн сурагчдад чиглэсэн цуврал сургалтуудыг зохион байгуулж байна.
Сургалтаар хүүхдүүдэд дараах сэдвийн хүрээнд мэдлэг олгож байна. Үүнд:
Эрүүл, зөв зохистой хооллолт
Хүнсний бүтээгдэхүүний хаяг, шошго ба түүний ач холбогдол
Хүнсний аюулгүй байдал ба гарын ариун цэвэр
2025 оны 10 дугаар сарын 6-ны өдөр Баянзүрх дүүргийн ерөнхий боловсролын 85 дугаар сургуулийн 8 дугаар ангийн 56 сурагч, 10 дугаар сарын 15-ны өдөр Баянгол дүүргийн “Эрдмийн өргөө” цогцолбор сургуулийн 7 дугаар ангийн 35 сурагч хамрагдлаа.
Энэхүү сургалт нь амжилттай зохион байгуулагдаж, бусад дүүргүүдийн ЕБС-уудад шат дараатайгаар үргэлжлэх болно.
Сургалтын үеэр “Сургуулийн орчинд хүүхдэд худалдаалахыг хориглосон хүнсний бүтээгдэхүүн”-ий үзэсгэлэнг дэлгэн танилцуулсан бөгөөд шаардлага хангаагүй, буруу шошголсон, түргэн муудах, хүний эрүүл мэндэд сөрөг нөлөө үзүүлж болзошгүй хүнсний бүтээгдэхүүний талаар тайлбар мэдээлэл өгч, хүүхдүүдийн санал бодлыг сонсон, харилцан ярилцсан үр дүнтэй уулзалт боллоо.
Сэтгэгдэл бичих