УИХ-ын гишүүн С.Бямбацогт цахим хуудаснаа:
Оюу толгойн гэрээ байгуулагдаад 16 жил болж байна.
Зээл болон менежментийн төлбөрийн асуудлыг долоон жил тутамд талууд харилцан тохиролцоод өөрчлөх боломжтой.
Энэ хугацааны цикл нь 2025 онд тохиож байгаа.
Тиймээс Монгол Улсын Засгийн газар энэ асуудалд онцгой анхааран ажиллаж байна.
Өөрөөр хэлбэл 2008 онд байгуулсан энэхүү хөрөнгө оруулалтын гэрээг өөрчлөн, Монголын талд ашигтай болгох “алтан боломж” бидэнд байна гэсэн үг.
Гурван сар хүрэхгүй хугацаа үлдчихсэн байгаа энэ үед бид атгасан гар шиг хүчээ нэгтгэж, хамтран зүтгэж байж хүссэн үр дүндээ хүрч чадна.
Тиймээс “ОЮУ ТОЛГОЙ”-н ордоос монголын ард түмэнд оногдох өгөөжийг нэмэгдүүлэх, гэрээг илүү сайжруулан тодотгох, Онтре болон татвар, зээлийн хүүтэй холбоотой зайлшгүй шийдвэрлэх шаардлагатай асуудал дээр энэ чиглэлээр байгуулагдсан бүх түвшний ажлын хэсгүүд онцгой анхаарч, хурдтай ажиллана хэмээн хэлэв.
Сэтгэгдэл бичих