Гадаад харилцааны сайд Б.Батцэцэг НҮБ-ын Ерөнхий Ассамблейн 80 дугаар чуулганы Ерөнхий санал шүүмжлэлд оролцох үеэр Бүгд Найрамдах Серби Улсын Гадаад харилцааны сайд Марко Дьюричтэй энэ сарын 26-нд НҮБ-ын Төв байранд уулзав.
Уулзалтын үеэр талууд хоёр улсын уламжлалт найрсаг харилцаа, хамтын ажиллагааг өргөжүүлэх боломжийн талаар санал солилцож, тэтгэлэгт хөтөлбөрийн хүрээнд тус улсад оюутан суралцуулах талаар ярилцлаа.
Уулзалтаар Гадаад харилцааны сайд нар “Дипломат болон албан паспорт эзэмшигчдийг визийн шаардлагаас харилцан чөлөөлөх тухай Монгол Улсын Засгийн газар, Бүгд Найрамдах Серби Улсын Засгийн газар хоорондын хэлэлцээр”-т гарын үсэг зурж, хоёр орны харилцааг цаашид шинэ агуулгаар баяжуулан өргөжүүлэхэд үргэлжлүүлэн хамтран ажиллахаа нотлов.
Сэтгэгдэл бичих