1. Байгаль орчин, усан сангийн талбайн нөхөн сэргээлт хариуцсан ажилтан (орон нутагт ажиллах)
Ажлын хамрах хүрээ
Бүтээн байгуулалтын ажлын үед байгаль орчинд үзүүлэх болзошгүй сөрөг нөлөөллийг бууруулах, экосистемийн тэнцвэрт байдлыг хадгалах, байгалийн нөөц баялгийг зүй зохистой ашиглуулах, хамгаалах, нөхөн сэргээх ажлыг холбогдох хууль тогтоомжийн хүрээнд хэрэгжүүлэх ажлыг газар дээр нь хэрэгжүүлэн ажиллах
· Байгаль орчны менежментийн төлөвлөгөөнд тусгасан үйл ажиллагааг хуулийн хугацаанд үр дүнтэй хэрэгжүүлэх ажлыг зохион байгуулах, хяналт тавих, тайлагнах.
· Байгаль орчныг хамгаалах хууль тогтоомжийн биелэлтийг хангуулах.
· Байгалийн нөөцийг зохистой ашиглуулах, нөхөн сэргээх арга хэмжээг хэрэгжүүлэх
· Байгаль орчныг бохирдуулах эх үүсвэрийн тооллого хийх, бүртгэл судалгааг нэгтгэж, мэдээллийн сан бүрдүүлэх, хууль хяналтын байгууллагад шилжүүлэх, хамтарч ажиллах.
· Түүх, соёлын биет болон биет бус өвийг авран хамгаалах талаар холбогдох хууль тогтоомжийн хэрэгжилтийг хангаж ажиллах
· Захиалагч болон гүйцэтгэгчийг бодит мэдээллээр хангах
· Ажлын байрны тодорхойлолтод тусгасан бусад ажлуудыг хийж гүйцэтгэнэ.
Ажлын байранд тавигдах шаардлага
Боловсрол:Дээд, бакалавр болон түүнээс дээш зэрэгтэй, Магистр бол давуу тал болно
Мэргэжил:Байгаль хамгаалал /052202/, Хүрээлэн буй орчин /052102/, Экологи, байгаль хамгаалал /850100/, Эрх зүйч /042101/
Туршлага:Мэргэжлээрээ 10-аас доошгүй жил ажилласан байх;
Тусгай шаардлага: Төсөл хэрэгжиж байгаа нутагт ажиллаж амьдардаг байх, төслийн талбай дээр байрлаж ажиллах
ОРОЛЦОГЧДОД ШААРДАГДАХ БАРИМТ БИЧИГ:
Нээлттэй сонгон шалгаруулалтад оролцогч нь дараах баримтыг бүрдүүлж ирүүлнэ. Үүнд:
• Хүсэлт;
• Анкет /Төрийн албан хаагчийн анкет Маягт №1/-ийн дагуу бүрэн бөглөсөн байх;
• Товч намтар;
• Иргэний үнэмлэхийн хуулбар (E-mongolia цахим системээс);
• Боловсролын диплом, гэрчилгээний баталгаажуулсан хуулбар;
• Мэргэшлийн үнэмлэхний баталгаажуулсан хуулбар;
• Ажилласан хугацаа болон ажил эрхлэлтийг гэрчлэх баримт /Ажил эрхэлсэн хугацааны нийгмийн даатгалын лавлагааг E-mongolia цахим системээс татаж ирүүлэх, шаардлагатай бол хөдөлмөрийн дэвтрийн хуулбар/;
Санамж:Хэрэв дээрх барим бичгийн аль нэг нь байхгүй тохиолдолд сонгон шалгаруулалтын материалын бүрдэл дутуу гэж үзэн тэнцээгүйд тооцно.
Дээрх шаардлагыг хангасан сонирхогч этгээд шаардлагатай баримт бичгийг дараах хаягт дугтуйлж, битүүмжилж ирүүлнэ үү.
Улаанбаатар – 17040, Хан-Уул дүүрэг, 3-р хороо, Чингисийн өргөн чөлөө, Засгийн газрын XIV байр, Эрчим хүчний яам, Санхүү, хөрөнгө оруулалтын газар Утас: 267072
Баримт бичиг ирүүлэх хугацаа:2025 оны 09 сарын 30-ны 17:00 цагаас өмнө ирүүлнэ.
Сэтгэгдэл бичих