Цагдаагийн байгууллагад өнгөрсөн долоо хоногт 164 залилах гэмт хэрэг бүртгэгдсэн. Үүнээс телеграммаар онлайнаар цагийн ажил хийлгэж, мөнгө өсгөнө, урамшуулал олгоно, онлайнаар бараа бүтээгдэхүүн зарна,автомашин түүний дагалдах хэрэгсэл сэлбэг худалдана гэх зэрэг зарын дагуу залилах гэмт хэрэг үйлдэгджээ.Өчигдөр буюу 2025.08.03-нд Телеграмм хаягаар даалгавар биелүүлнэ гэсэн зарын дагуу нэгэн иргэн 11 сая төгрөг өгч залилуулсан байна.
Залилан мэхлэгчид эхний удаа таныг ажилд орж байгаа мэтээр анкетыг авна. Өдөр 150000-500000 төгрөг олоход 1 цаг шаардлагатй гэж итгүүлдэг. Бүх даалгавар биелүүлсний дараа өссөн мөнгөө шууд банкны данс руу авах боломжтой зэргээр ятгадаг.Богино хугацаанд хялбар аргаар мөнгө олох арга санал тавина. Үүний дараа даалгавар биелэгдэж байгааг харуулсан хуурамч сайт ашиглан таны мөнгө өсөж байгаа мэтээр харуулж, өгсөн даалгавар биелүүлсэн тохиолдолд 10-30 хувиар мөнгөө өсгөх боломжтой зэргээр итгүүлдэг.
Ийм төрлийн зар мэдээлэл фэйсбүүк, инстаграмм, телеграммаар их байгаа тул иргэд та бүхэн мэдээлэлд шүүлтүүртэй хандаж, сайтар нягтлан, үл таних хүнд мөнгө шилжүүлэхгүй байхыг анхааруулж байна.
Сэтгэгдэл бичих