‘Истанбул-Улаанбаатар’ чиглэлийн онгоцоор 181.8 грамм ‘мөс’ гэх нэршилтэй бодис нуун далдалж, хууль бусаар нэвтрүүлсэн үйлдлийг илрүүллээ

Монгол Улсын иргэн 43 настай эмэгтэй 181.1 грамм ‘мөс’ гэх нэршилтэй бодисыг худалдаалах  зорилгоор ‘Истанбул-Улаанбаатар’ чиглэлийн онгоцоор өөрийн бие болон эд зүйлд нуун далдалж Монгол Улсын хилээр  хууль бусаар  нэвтрүүлсэн үйлдлийг Цагдаагийн Ерөнхий Газар, Гаалийн Ерөнхий газар хамтран илрүүллээ. Тус этгээдээс биологийн дээж авч түргэвчилсэн шинжилгээ хийж үзэхэд метамфетамины агууламжтай сэтгэцэд нөлөөт бодис хэрэглэсэн болох нь урьдчилсан байдлаар тогдоогдсон. Сэжигтэй этгээд биедээ нуун оруулж ирсэн 54.8 грамм,ачаа тээшинд 127,0 грамм нийт 181.8 грамм метамфетамины  агууламжтай мөс гэх нэршилтэй бодисыг тус тус эд мөрийн баримтаар хураан авч, мөрдөн шалгах ажиллагаа явуулж байна.