Ерөнхийлөгчөөс өргөн барьсан хуулийг УИХ-аар баталж М.Энхболдыг үүрэгт ажлаас нь чөлөөлсөн. Ингэснээр эрх баригч хүчин дараагийн УИХ-ын даргын эрэлд гарч, ахмадуудынхаа дунд өрсөлдөөн явуулсан байдаг. Энэ мэтээр намын ажлыг амжуулж байгаад дарга У.Хүрэлсүх удирдах зөвлөлөө хуралдуулж, дараагийн даргад өөрийн шадар хүн Г.Занданшатарын нэрийг дэвшүүлсэн байна.
МАН-ын УЗ-ийн хуралдаанаар олонх нь түүнийг дэмжээ. Ингэснээр намын бүлгийн хуралдаанаар хэлэлцээд, Ерөнхийлөгчтэй зөвшилцсөний дараа УИХ-ын нэгдсэн чуулганы хуралдаанд оруулах аж…
Тэрбээр 1970 онд Баянхонгор аймагт төрсөн.
10 жилийн 77-р дунд сургууль, ОХУ-ын Эрхүү хотын Улсын Ардын Аж Ахуйн дээд сургуулийг Санхүү эдийн засагч, Байгалийн Эдийн засаг, эрх зүйн улсын их сургууль дүүргэж, Хөдөө Аж Ахуйн банк Эдийн засагч, Валютын хэлтсийн ажилтан, бүтцийн өөрлөлтийн менежер, Валютын хэлтсийн захирал, Монгол Банк Сургалтын төвийн менежер, Хөдөө Аж Ахуйн банкинд Монгол банкны бүрэн эрхт төлөөлөгч, Эрх хүлээн авагчийн багийн гишүүн, ХААН Банк Дэд захирал, Монгол Улсын Хүнс Хөдөө аж ахуйн дэд сайд, Монгол Улсын Их Хурлын гишүүн, Монгол Улсын Их Хурлын гишүүн, Гадаад харилцааны сайд, Монгол Ардын Намын Ерөнхий нарийн бичгийн дарга
АНУ-ын Стэнфордын их сургуулийн Хөгжил, Ардчилал Хуулийн засаглалын хүрээлэнд судлаач, Монгол Улсын Их Хурлын гишүүн, Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга зэрэг улстөр, нам, санхүүгийн салбарт ажилласан. Англи, Орос хэлтэй. “Онц бөгөөд бүрэн эрхт элчин сайд” дипломат дээд цолтой нэгэн юм.
Сэтгэгдэл бичих