“Монгол Улсын төлөө зүтгэе”, “Дархан хилийн зүг алхаад марш” гэдэг үгийг эхийн сүүтэй цуг залгилж өссөн хүн бол Жадамбаа генералын хүү Энхбаяр. “Жимс модны ойролцоо унадаг” гэдэгтэй адил Ж.Энхбаяраас тусгаар тогтнол, цэрэг, армиа гэсэн аминчхан гэмээр ааш аяг гарах нь бий. Өөрөө л мэдэлгүй гаргаж орхидог ийм ааш авирыг аав, ээжийн нөлөө, өссөн төрсөн орчинтой нь холбон ойлгож болно.
Улс төрд тэр шинэ цэрэг биш. Ямартай ч хошууч, хурандаагийн хэмжээд үг дааж, үйл бүтээхийн хэмжээнд очсон нэгэн гэж боддог. Хүндэлж явдаг жирийн иргэний хувьд Төрийн дархан түшээ Ж.Энхбаярыг УИХ-ын дарга болох нь зүйтэй гэж бодно. Тэрээр улс төрд У.Хүрэлсүхтэй “Алаг бяруу мэт ижилсэж” Боорчи, Мухлай адил шадарлан явсан. Цаг үе нь ирчихсэн залуусын гар сэтгэл нийлнэ гэдэг бат нот итгэж буйн хувьд Ж.Энхбаярыгаа битүүхэндээ дэмжиж сууна.
Бэлтгэл хурандаа А.Мягмаржав
Сэтгэгдэл бичих