Засгийн газрын өнөөдрийн хуралдаанаар 2019 оныг “Эх оронч худалдан авагчдын жил” болгон зарлаж байж байгаа талаар ЗГХЭГ-ын дарга Г.Занданшатар мэдээллээ.
Тэрбээр “Үндэсний үйлдвэрлэл хөгжиж байж ажлын байр бий болно. Ажлын байр бий болж байж ажилгүйдэл ядууралын асуудал шийдэгдэнэ. 2017 оны байдлаар Монгол Улсын хэмжээнд улсын төсвийн хөрөнгөөр 1.3 их наяд төгрөгийн бараа худалдан авсан байна. Үүний дөнгөж 4 хувь буюу 47.1 тэрбум төгрөгийг дотоодын үйлдвэрлэгчдээс худалдан авал хийжээ. Тиймээс төрийн бүхий л байгууллагууд дээр дотоодын үйлдвэрлэгчдээ дэмжих нь зүйтэй гэж энэхүү уриалгыг гаргаж байна” гэлээ.
-Хотын даргыг хэзээ батламжлах вэ?
-Улаанбаатар хотын агаарын бохирдол, замын түгжрэл гэх мэт нийслэлийн иргэдэд тулгамдсан асуудлыг шийдэх дадлагатай, туршлагатай, намын бүлгүүдийн дэмжлэгийг 100 хувь авч чадах хүн сонгогдох ёстой. Одоогийн байдлаар энэ асуудлыг судалж байна. Энэ асуудал хуулийн дагуу шийдэгдэх болно.
-Эрдэнэт үйлдвэрийн хувьцааны асуудал сүүлийн өдрүүдэд сөхөгдөх боллоо энэ талаар мэдээлэл өгөхгүй юу?
-Эрдэнэт үйлдвэрийн талаар ганц л зүйл хэлж чадна. Тус үйлдвэрийн хувьцаа 100 хувь Засгийн газрын мэдэлд байгаа. Улсын бүртгэлийн ерөнхий газарт 100 хувь Засгийн газрын мэдэлд байгаа гэж бүртгэгдсэн байгаа. Мөн төлөөлөн удирдах зөвлөлд Засгийн газраас томилсон этгээдүүдээс бүрдэж байгаа. Тиймээс хувьцаа зарагдсан зүйл байхгүй.
51, 49 хувийн асуудалтай холбоотойгоор Шадар сайдаар ахлуулсан ажлын хэсэг ажиллаж байгаа.
Сэтгэгдэл бичих