Хархорум олон улсын кино наадам 2 дахь жилдээ зохион байгуулагдаж байна. Энэ жилийн кино наадмын онцлог нь Монгол Улсад кино урлаг үүсэж хөгжсөний 90 жилийн ойг давхар тэмдэглэж байна. Тиймээс кино наадмыг алдарт найруулагч Ж. Бунтарын бүтээл Гарьдмагнай киногоор нээх бөөгөөд наадмын хүрээнд уралдаант үзвэр, гала үзвэр, фантастик болон классик үзвэр зэрэг үндсэн хөтөлбөрөөр дамжуулан Монгол болон олон Улсын нийт 22 кино бүтээлийг үзэгчдэд толилуулна.
Энэ жил наадам төрөл бүрийн сонирхолтой арга хэмжээ, мэргэжлийн сургалтуудаар хүрээгээ тэлсэн бөгөөд нээлт, хаалтын ёслолын ажиллагаа Кино төслөө хэрхэн амжилттай танилцуулах вэ? сэдэвт сургалт, Монголын анимэйшний хөгжлийн төлөв, Арилжааны кино хөгжил: Боломж болон саад бэрхшээл сэдвээр панел хэлэлцүүлгүүд, Монгол кино төслүүд тусгай хөтөлбөр зэрэг олон талт үйл ажиллагаа болох юм.
Тус арга хэмжээ нь 2025 оны 6-р сарын 27-наас 7-р сарын 2 хүртэл болох бөгөөд кино наадмын хүрээнд шарх кинонуудыг өргөө кино театрын 2,4- р танхимаас хөнгөлөлттэй тасалбар авч үзэх боломжтой.
Сэтгэгдэл бичих