Олимпын аварга Э.Бадар-Ууган спорт сонирхогчдын төв болох МҮОХ-ны 0.7 га газар доторх тамирчдын сэргээлтийн төв гэх таван давхар барилгыг 2018 онд өөрийн эзэмшилд шилжүүлэн авч үр суулгах эмнэлгийн чиглэлээр үйл ажиллагаа явуулж байна. Улмаар даварсаар давгын оронд гэгчээр Өөжин Мэд эмнэлгийнхээ чанх хойд талд ахин орон сууцны хорооллын барилгын ажил эхлүүлээд мөн л удаж байна.
Ингэхдээ барилгын талбайн хажууд байрлах барилгаас 5 метр хүрэхгүй зайд өрөмдлөг хийж байгаагаас ойролцоо байрлах барилгад чичирхийлэл мэдрэгдэж дуу чимээний бохирдол ихсэж иргэдийн амгалан тайван байдлыг ноцтой зөрчиж байна. Иргэд 2023 оны 8 сараас хойш барилгын ажлыг эсэргүүцэн тэмцсээр л байна.
Э.Бадар-Ууган барилгаа олон төрлийн стандартыг зөрчин, зайн төлөвлөлтгүй, агааржуулалт нар салхины тусгалыг хаан барьж байна. Иргэд Бадар ууган Олимпын хорооны газрыг хууль зөрчин, нийтийн өмчийг хувийн халаасандаа хийсэн тухай олон баримт, мэдээллийг маш ихээр гарган тавьсаар байна.
Хэн нэгэн жирийн иргэн тэгсэн бол хэдийн шүүхэд дуудагдаж, барилгаа алдаж, торгуулж дуусах байлаа. Харин олимпын аваргад хууль үйлчлэхгүй байна. Иргэдэд олимпын медалиас илүү барилгын стандарт, сургууль цэцэрлэг, ая тухтай орчин юу юунаас илүү чухал. Иргэдийн эрх ашгийг уландаа гишгэгч хэн боловч Ард түмний эсэргүүцэлтэй тулгарсаар байх болно гэдгийг стандарт зөрчигчид сайн ойлгомоор байна.
Чаналын Бэлгүүтээ
Сэтгэгдэл бичих