Хэрэв УИХ-ын гишүүн Ө.Шижир, Ч.Лодойсамбуу гишүүний санаачилсан засгийг огцруулах бичигт гарын үсэг зурах аваас Ерөнхий сайд Л.Оюун-эрдэнэд биш Женкод үгүй гэж хэл буй хэрэг болно. Өнөөдөр Женко, Херо Баатар, Л.Оюун-Эрдэнэ нарын хоршил оргил үедээ яваа. Олон жилийн турш Женкогийн цүнхийн барьсан тэрнээс ийм зүрх зориг яагаад гарах болов. Ямар эрх ашиг нуугдав. Үндсэн шалтгаан юу байв. Тэр зүгээр л ахдаа сануулга өгөхийг хүссэн юм биш биз.
Мөн Женког ерөнхийлөгч байх үед Тамгын барих хүртлээ шадарлаж явсан нэгэн. Сонирхуулахад Женкотой холбогдсон хүмүүс хэцүү нэртэд ордог гэх муу ерийн мессеж нийгэмд түгээд удаж байна. Багахан түүх сөхвөл АТГ-аас нэрлэсэн нүүрсний хэрэгт шууд ба шууд бусаар холбоотой 17 сэжигтний нэг нь Ө.Шижир. Нүүрсний хэрэг ид дуулиан дэгдээхээс өмнө түүнийг гэр бүлийнхэнтэйгээ хамт гадагшаа зугтсан гэх мэдээлэл хэвлэлээр хөвөрч байсан. Эндээс нэг асуулт гарна. Генерал Хурцын хэлдгээр Дон Корлеон ахдаа үгүй гэж хэлэх цаг нь ирсэн үү. Хүмүүний ертөнцөд хүн тэжээвэл толгой цустана гэдэг. Нэгэн үе ааваа гэж бодож явсан ах нь өнөөдөр ч гэсэн хүчтэй байгааг эрхэм гишүүн мартаагүй байлтай.
Ө.Шижир парламентат орж ирсэн цагаас хойш хэлгүй дүлий байсангүй. Ард түмэн тэнэг биш учраас анзаар ч байна. Түүний УИХ-ын чуулган болон байнгын хорооны хурал дээр хэлсэн үгнүүдээс харахад нюанстай бодмоор юм бас байна. Жишээлбэл;
Шадар сайд Т.Доржхандад зориулж. Өөрөө даатгалын бизнестэй атлаа даатгалыг зохицуулдаг санхүүгийн зохицуулах хорооны орон тооны бус гишүүнд хамаатнаа оруулах гээд явдаг байж болохгүй. Мэдээлэлд ойр хүмүүс ард түмний боломжийг булаах байдал хэрээс хэтэрлээ гэж энд сууж байгаа гишүүдийн ихэнх нь сонгогдож орж ирсэн биз дээ. Би хувь хүн яриагүй зарчим ярьж байгаа шүү. Энэ зарчимгүй байдал чинь парламентыг муухай харагдуулна гэж.
Д.Энхтүвшин гишүүд зориулж: Централ тауэр, Шангри-Ла-аас улс орны бүх асуудлыг шийдэж байсан нь нууц биш Ганц компани Монголын ард түмний баялаг болох Эрдэнэс Тавантолгойг, экспортын төмөр замыг хуу хамах төлөвлөгөө нь бүтэлгүйтчихээр төлөөний хүмүүс нь бухимдаад хэцүү байх шиг байна гэж.
Тэхээр Ө.Жижир гишүүн дээр хэлсэн үгнүүд шигээ зарчим баримтлахаар шийдэв үү. Эсвэл олны бодлыг төөрөгдүүлэхдээ гаргууд төмөр замаар танк оруулж ирдэг ахынхаа ээлжит хууралтын гол дүр үү гэдгийг хар л үлдээ.
Чанцалын Бэлгүүтээ
Сэтгэгдэл бичих