Ерөнхийлөгч асан Ц.Элбэгдорж АНУ-ын Ерөнхийлөгч Доналд Трампын тангараг өргөх ёслолд уригджээ. Үүнтэй холбоотойгоор тэрбээр Вашингтонд очсон тухайгаа мэдэгдэн жиргэсэн байна.
Харин урилгад нь “АНУ-ын ерөнхийлөгчийн тангараг өргөх ёслол явагдсаныг тэмдэглэх бүжигт үдэшлэгт урьж байна” хэмээн дурдагджээ.
Ц.Элбэгдоржийг П.Цагааны хамт 2024 оны тавдугаар сараас эхлэн Интерполоор ЭРЭН СУРВАЛЖЛАГДАЖ байгааг ХЗДХ-ийн сайд О.Алтангэрэл онцолсон.
Энэ талаар ХЗДХ-ийн сайд О.Алтангэрэл “Сингапур улс Интерполын гишүүн улс. Тэд Интерполын санд бүртгэлтэй байсан учраас Сингапурын талаар манай улсын хилээр ороод ирлээ. Энэ хүнийг /П.Цагааныг/ яах вэ гэж байгаа юм. Бид нэгэнт Интерполоор эрэн сурвалжилж байсан тул хүнээ шилжүүлж авна гэдгээ хүлээж байсан.Эдгээр хүмүүсийн гэм бурууг хэн ч шүүхгүй. Гэм буруугүй ч байж болно. Гэм буруутай ч болно. Гэхдээ Монголын хуулийн дагуу шалгая, шалгуулаач л гээд байгаа юм” хэмээсэн байдаг.
Мэдээллийн эх сурвалж: eguur.mn
Сэтгэгдэл бичих