Их Британийн Ольстерын их сургуулийн гаргасан судалгаагаар Монгол Улс IQ буюу оюун ухааны түвшнээр 12 дугаарт жагсчээ. Монгол Улсын ард иргэдийн дундаж IQ сүүлийн 25 жилийн туршид дэлхийд үргэлж 20-оос дотогш байрт жагсч байгаа гэдгийг Ольстерын их сургуулийн эрдэмтэд онцолсон байна. Хэдийгээр эхний 20 улсын тоонд багтдаг ч боловсролын салбарт нэг хүнд зарцуулах төсөв, дундаж орлого зэргээрээ сүүл мушгиж буй орнуудтай ижил түвшинд байгаа аж.
Тухайлбал монгол хүний дундаж орлого 897 ам.доллар байгаа бол боловсролын салбарт нэг хүнд зарцуулах төсөв 50 ам.доллар байгаа юм. Боловсролын түвшнээр эхний 10 байрт жагссан улстай харьцуулахад Монгол улс нэг хүнд оногдох дундаж орлогоороо 1000 дахин бага, боловсролд зарцуулах нэг хүнд оногдох мөнгөн дүнгээрээ 100 дахин бага байна. Цаашид боловсролын салбарт зарцуулах төсөв, өрхийн хэрэглээ, мөнгөний зохистой хэрэглээг дунд сургуулийн түвшинд зааж, боловсролоороо хэрхэн сайхан амьдарч болохыг ойлгуулах шаардлагатай гэж Ольстерын их сургуулийнхан дүгнэжээ.
Монгол улс НҮБ-ын хөгжлийн хөтөлбөрөөс боловсруулдаг Хүний хөгжлийн тайланд 185 улсаас 92 дугаарт жагссан юм. Ялангуяа боловсролын салбарт зарцуулдаг төсөв, бодлогын үзүүлэлтээр 70-аас дотогш байрт бичигдсэн байна.
Сэтгэгдэл бичих