С.Эрдэнэ: Л.Оюун-Эрдэнэ чи ЖДҮ-гийн луйварчин шүү

Л.ОЮУН-ЭРДЭНЭ:

-Төрийн байгуулалтын байнгын хороог хуралдуулж, Ерөнхийлөгчийн өргөн барьсан хуулийн төслийг хэлэлцмээр байна. Талбай дээр олон хүн ирчхээд хүлээгээд байна. ЖДҮ-гийн асуудал яах вэ.  Энд ирсэн хүмүүсийг ингэж дутуу үнэлснээс болж амаргүй байдал үүсч байсан шүү. Энэ олон хүн зүгээр нэг ирсэн юм биш.

С.ЭРДЭНЭ:

-С.Эрдэнэ: Шударга ёс ярьсан. Жүжиг тавьсан энэ үйлдлээ болиосой. Л.Оюун-Эрдэнэ чи ЖДҮ-гийн луйварчин шүү. Өнөөдөр нэг их худлаа цээжээ дэлдсэн баатар болсон. Луйвар хийсэн хүмүүс чинь байж л байгаа ш тээ. Тэгж ярих юм бол ЖДҮ-гээ эхлээд шийдье. Хууль батлах эрх чинь УИХ-ын хэнтэй ч үл хуваалцах бүрэн эрх ш тээ. ҮАБЗ үүрэг өгдөг газар болсон юм уу. Нэг хүний шантааж хийгээд. Тэгвэл тэгнэ, ингэвэл ингэнэ шүү гэх. УИХ хэсэг бүлэг хүмүүсийн шантаажаар ажиллах юм уу. Ямар муухай тэвчээргүй залуу вэ. Чи хүнд заадаг хэн юм бэ. ҮАБЗ хуультай юмаа. УИХ чинь хууль тогтоох дээд байгууллага Монгол Улс чинь парламентын засаглалтай орон. Монгол Улсын Ерөнхий прокурорын оруулж ирсэн асуудлыг шийдээд явуул л даа. Нууц санал хураалт нэртээ бүгд ЖДҮчидээ авч үлдээд, хэсэг бүлэг хүмүүсийн шоу нэртэй юм зохион байгуулаад явах хэрэггүй..

М.ЭНХБОЛД:

-ҮАБЗ-ийн шийдвэр бол зөвлөмж байна. УИХ бол ҮАБЗ-ийн зөвлөмжийг яг таг шийднэ. Эцэслэн батална гэдэг бол УИХ-ын Дэгийн тухай хуулиар шийдэгдээд явна. Төрийн байгуулалтын байнгын хороог хуралдуулъя гэсэн шүү дээ. Та нар орж ирээгүй шүү дээ.

Ингээд Д.Дамба-Очирын бүрэн эрхийг түдгэлзүүлэх асуудлыг Улсын ерөнхий прокурор М.Энх-Амгалан танилцууллаа. Тэрбээр Эрүүгийн хуулийг зөрчиж,  эрх мэдэл албан тушаалаа урвуулан ашиглах нөхцөл байдал үүссэн гэж үзсэн тул УИХ-ын гишүүн Д.Дамба-Очирын бүрэн эрхийг түдгэлзүүлэх асуудлыг хэлэлцэх өгөхийг хүслээ.